Manuela Díaz naceu en Bos Aires, é actriz e profesora de teatro. Actualmente reside en Santiago de Compostela. Comezou a súa formación en Arxentina no Estudio Rio Plateado aos 12 anos, continuou especializándose en Comedia Musical na Fundación Julio Bocca e participou durante máis de 10 anos en diversos obradoiros onde destacan docentes como Fernanda Mistral, Cristina Banegas, Augusto Fernandes, Juan Carlos Corazza, Pablo Messiez e Rita Cortese, entre outros. O seu paso polo Teatro deixou experiencias como “Romeo y Julieta” no Teatro San Martín; “La marca en el orillo”, colaborando con Teatro por la Identidad; “Dormir en el agua”, ciclo de teatro lido no Cervantes; “Mendigando Amor”. ” radionovela presentada no Teatro Del Globo; “De Velorios y Verbenas” Ciclo Teatrisimo - Teatro Regina; “Las estaciones del amor”, entre outros.
En Cine participou na longametraxe “Gato negro” e en “Todos tenemos un plan” de Ana Piterbarg. Na televisión destaca o seu traballo en “Historias del corazón” Telefé, “El hombre de tu vida” e “Jostel” Miniserie INCAA.
Desde hai máis de 15 anos organiza os seus propios Obradoiros de Teatro para adultos e adolescentes entre Bos Aires, Galicia e Madrid.
Comezou as súas andanzas como profesora de teatro e expresión corporal para adolescentes nos espazos Culturais Boedo XXI de Bos Aires e no Centro Cultural Atlántida de Matamá, en Vigo.
Tamén impartiu clases para adultos no Estudio DAN-ZAS de Paula Schapiro e na Escola de Arte Ale Vera de Bos Aires.
Colaborou con clases extraescolares para pais e alumnos dos Colexios Jesús María e Euskal-Echea de Bos Aires.
En Madrid destacan os seus seminarios para actores afeccionados e profesionais no Espacio Lola te Cuida.
