Mulleres á fronte dende o Sur Global é unha iniciativa de investigación, intervención e acción participativa que se formula como un diálogo de saberes e experiencias xenealoxicamente situadas e compartidas entre as voces subalternizadas das mulleres do sur global.
Aliando a experiencia do movemento de punk feminista riot grrrl coa do xénero musical caboverdiano batuko, o proxecto propón a incidencia en materia de igualdade e desenvolvemento a través do traballo coas comunidades de mulleres migrantes implicadas nas artes escénicas en Galicia e tamén coas mulleres batukadeiras da illa de Santiago, en Cabo Verde.
