Actriz, bailarina, modelo de belas artes e xestora cultural.
Naceu en Bogotá, Colombia, en 1983. A súa formación como actriz comezou no ano 2000 na Compañía Nacional de Teatro de Bogotá. Máis tarde adentrouse no Tango, na escola Piazzolla, baixo a técnica dos mestres Dinzel de Arxentina. En 2011, inspirada no Movemento Polipoético de Barcelona, crea unha nova disciplina artística á que deu o nome de "Desnudoloxía"; Estudo experimental das múltiples interpretacións escénicas do nu artístico, abrindo camiño á procura do efecto terapéutico e liberador da “Arte de posar”.
En agosto de 2016 foi a artista convidada do Museo da Muller Arxentina para realizar unha exposición no marco das celebracións dos 10 anos do museo. Levou a cabo a produción artística e posou como modelo para artistas de Bos Aires. O resultado desta produción foi exposto en setembro dese ano. Actualmente presenta o seu formato pioneiro de sesións de debuxo performativo con modelo, denominada “Desnudologías” en varias cidades de Galicia; dirixe a feira “Revive”- 1ª Feira de Artesanía Sostible do Ribeiro, un proxecto da súa autoría, que conta co apoio do Concello de Ribadavia.
