Ainhoa Linaza é bailarina profesional, pedagoga titulada de danza española e amante das artes dende os tres anos. Criouse entre os cadros do seu pai e a psicoloxía da súa nai e pensa que con amor todo sae mellor. Considera a danza como unha ferramenta de cambio social para transformarnos.
Bailou en tablaos de diversos países, pisando escenarios con diversas compañías -como Ballet Flamenco Español ou Cía Joaquín Cortés-, e formouse en Pedagoxía e Danza Educativa porque, segundo as súas palabras, “bailar é o camiño máis completo” que coñece para ser feliz.
