Esta foto lembro que era na “Calle do Río”, nun baixo que facían festa os caboverdianos. Era no aniversario de Lía, entón empezamos a batukar. Ao meu lado esquerdo está Melanie, unha amiga miña, que era das maiores entre nós… ao meu lado dereito está miña irmá xemelga, Carla … ao pé da miña irmá está Milena, a miña sobriña, e ao seu lado está Beba, unha das integrantes de Batuko Tabanka, que nos estaba axudando… e ao seu lado está Patricia. Polo que se ve na foto parece que estábamos moi contentas. Oxalá que a foto fose máis ampla para ver máis xente e lembrar máis cousas.